Trajtimi i Rosaceas, Skuqjes dhe Kapilarëve

Rosacea është një problematikë kronike e lëkurës që shfaqet kryesisht me skuqje të vazhdueshme ose të përsëritur, ndjeshmëri, flushing dhe kapilarë të dukshëm. Në disa raste mund të shoqërohet edhe me papula dhe pustula. Për këtë arsye, trajtimi duhet të përshtatet sipas manifestimit të rosacea-s dhe gjendjes së barrierës së lëkurës.

Në Nisa Medical Center, rosacea mund të trajtohet me Stellar M22 by Lumenis, ndërsa për lëkurën reaktive dhe të ndjeshme mund të përdoren edhe protokolle profesionale Mediderma, sipas vlerësimit të specialistit.

Stellar M22 për skuqjen dhe kapilarët

Stellar M22 nga Lumenis është një platformë e avancuar e teknologjisë mjekësore estetike, e cila përmes modulit IPL (Intense Pulsed Light) mundëson trajtimin e skuqjes së vazhdueshme të fytyrës, rosaceas me komponent vaskular dhe kapilarëve të zgjeruar (teleangiektazive).

Teknologjia IPL përdor impulse drite me gjatësi vale të përzgjedhura, të cilat absorbohen nga hemoglobina në enët sipërfaqësore të gjakut. Energjia e absorbuar shndërrohet në nxehtësi, duke shkaktuar fototermolizë selektive dhe reduktim gradual të dukshmërisë së kapilarëve, me synimin për të ruajtur indet përreth.

Stellar M22 mund të përdoret për trajtimin e:

• Rosaceas eritemato-teleangiektatike: reduktimin e skuqjes persistente dhe komponentit vaskular.
• Kuperozës: përmirësimin e pamjes së rrjetit të kapilarëve sipërfaqësorë.
• Teleangiektazive faciale: reduktimin e kapilarëve të dukshëm në faqe, hundë dhe mjekër.
• Eritemës difuze: përmirësimin e skuqjes së përhapur dhe uniformitetit të tonit të lëkurës.
• Ndryshimeve vaskulare nga fotoplakja: reduktimin e disa manifestimeve sipërfaqësore të dëmtimit nga dielli.

Në Nisa Medical Center, trajtimi me Stellar M22 personalizohet sipas fototipit, shkallës së skuqjes, karakteristikave vaskulare dhe ndjeshmërisë së lëkurës. Parametrat e IPL përshtaten individualisht për të synuar efektivitetin dhe sigurinë e procedurës. Trajtimi mund të integrohet me protokolle home care nga Sesderma për forcimin e barrierës kutane, reduktimin e inflamacionit dhe kujdesin afatgjatë të lëkurës me rosacea.

Rosacea është një gjendje kronike dhe trajtimi IPL ndihmon në kontrollin e manifestimeve vaskulare, por nuk e eliminon përfundimisht sëmundjen. Numri i seancave dhe rezultatet varen nga gjendja individuale e lëkurës.

Protokollet Mediderma për lëkurën me rosacea

Përveç trajtimit vaskular, është e rëndësishme të punohet edhe me reaktivitetin e lëkurës dhe barrierën kutane. Në varësi të gjendjes së lëkurës, mund të ndiqet një seri trajtimesh profesionale të përshtatura për reduktimin e skuqjes dhe përmirësimin e tolerancës së lëkurës. Protokollet mund të përsëriten në intervale të përcaktuara nga specialisti, në bazë të reagimit të lëkurës.

Një protokoll specifik për lëkurën reaktive, të skuqur dhe me fragilitet kapilar, që kombinon peelingë profesionalë Azelac Peel M dhe Azelac Peel Gel, hapa qetësues/sealing dhe fotombrojtje.